Piazza Salotte

C'ere 'na vote Piazze Salotte
mo' l'hanne arbadizzate "Piazze s'hs rotte"
pi' vie di llù bicchire sciaurate
che tutte di botte s'ha crepate!
Quante quatrine jittate a lu vente
p'annalzà su' "bellu munumente"!
Nu blocche squadrate
che s'ha tutte squatracchiate
gna fusse terremotate.
Mo l'hanne tutte abbirrutate
e 'mbacchettate,
tutt'attorne l'hanne pure transennate,
tu mi capisce,
pi' nin ci fa cascà li bardisce
na' chi la specie di fussate.
Mo, chi ci vu fa',
li frastire , che nin cunosce lu fatte,
o meje ancore lu misfatte,
tutt'all'antorne a futugrafà,
s'acredene che si tratte
di na sculture di "Christe",
chill'artiste bislacche che si diverte
a 'mbacchettà l'opere d'arte!

Lu ponte di Pescare

Lu ponte di Pescare

Quande lu ponte ere in costruzione,
na la piazzette de la Madunnine,
ere na continuazione,
tucchennese la fronte,
diceje la populazione:
- Chi ci saje esse p'ammonte?
Vulesse sapè, francamente,
a chi ha minute 'n mente
di jittà li quatrine inutilmente!-
- Chi è ssù catafalche
che piombe su lu fiume
gne nu falche! -
- Quande è ate ssù ponte
a li pidune e a li ciclisti
je mozze lu fiate
e j'ambanne la viste! -
Spute e 'nduvine!
Mo, care amiche,
na la piazzette de la Madunnine
in file gne li furmiche,
la gente saje e cale elle p'ammonte.
- Quante è belle e quante è care
stu ponte di Pescare! -
Naturalmente,
pure quille che parleje malamente,
va ammonte e 'balle pi' li cursie
- Lu ponte è nostre e cuscì sije! -